一場黎到朋友嘅cafe~
除左影相📸️點會唔試下佢啲手勢
呢個朋友係喺我讀西廚course嘅時候識👩🏻🍳
果時佢都仲渾渾噩噩嘅肥仔～
成日講唔好笑嘅爛gag😐
估唔到咁快就開cafe做老闆🎉
佢仲增值左自己去左學咖啡☕️
咁我當然要試下啦❤️
.
呢日我就唔想食太heavy
所以揀左個沙律🥗同埋飲下咖啡就算
點知呢個沙律都好 “Heavy”
講緊嘅 “Heavy”係佢嘅量😂
平時出去食邊有咁大碟！
.
1️⃣Fresh Salad Bowl ($55) with smoked salmon(+$20) and soft boiled egg(+$6)
對於沙律菜，我好嘴刁，唔鍾意食太多冇乜口感同味嘅Frisee、Lollo Rosa等，冇味冇道好似食緊草咁🙃適量都還好，但因為呢類菜來貨較平同埋擺碟好睇夠蓬鬆，好多餐廳甚至酒店🏨都一定會用得多！但做食客黎講我真係唔鍾意，本身我對朋友呢個沙律都冇太大期望，但碟沙律一黎到🤩嘩🤩唔係大大堆Frisee扮大碟，而係有Kale，仲有津白！好多人會覺得沙律菜有Romaine 冇死啦咁爽脆sharp sharp聲又水份，但佢嘅味其實都偏淡口，反而津白就唔同，爽脆之餘食落仲好清甜🥰Kale都係少見於一般嘅沙律，一黎營養價值豐富，係超級食物💪🏻抗癌又高纖，二黎係價格相對其他沙律菜貴一截！咁揼本嘅誠意之作💯
我另外加左溫泉蛋同煙三文魚，除左夠纖維仲有豐富蛋白質同埋Omega 3😆真正嘅健康之選，唔洗額外加咩醬，其實平時出面食嘅醬😂🙈先係致肥嘅原兇！點解我會知？我讀西廚架嘛，親手見證住啲Mayo點會打出黎😂係油！全部都係油！愈好食嘅醬就愈肥！所以好食嘅沙律菜好重要！唔洗靠啲「肥醬」嘅味，基本上呢碟沙律就咁落初榨橄欖油已經好正❤️
.
2️⃣Mocha （$40）
至於咖啡☕️我都近呢一兩年先開始鍾意飲，冇話特別好追求或者好識歎，我淨係知我唔鍾意太甜或者太苦😂之前飲過Caramel Macchiato 好飲我就飲親咖啡都會同人講我要杯Caramel Macchiato ～但當Drink list冇嘅時候，點算？🙈咪問下人有冇同佢好似、唔太甜唔太苦嘅咖啡介紹，今次朋友就推介我飲Mocha，主要係expresso+奶+朱古力🍫，見到朋友個拉花好靚好純熟，就知佢下左唔少苦工，咖啡要趁熱飲☕️又真係唔呃人，聞落好香咖啡味但飲落唔會苦，果種甜亦唔係死甜，成杯咖啡係有一種溶為一體嘅感覺，我唔知道沖咖啡嘅學問，但我知道要沖一杯好飲嘅咖啡唔容易，當中咖啡豆嘅質素、奶糖嘅比例，甚至溫度、濕度等其他嘅變化都會影響，就好似我掛住影相同講野📸️杯咖啡未飲曬放左兩個幾三個鐘，凍曬，朋友話再沖杯俾我，我話好呀，但呢杯我都會飲埋，凍左嘅咖啡我印象中係會味道分離，即係甜味會沉底，苦味上左面，唔知大家明唔明，因為我個人成日都慢吞吞，所以好多時都會將啲野飲野食歎凍曬先食😂但朋友嘅呢杯Mocha，將個鐘後飲，個味都仲係溶為一體，冇分離感，仲係一杯咖啡，呢個我真係讚左出口💯
.
飲飽食飽，梗係出去露台行下睇下咩環境，原來仲有個有機farm，會用咖啡渣做肥料，種左唔同品種嘅香草🌿、沙律菜😍有Rosemary, Kale, beetroot 等，佢地間唔時會拎黎製作餐廳內嘅菜式，好有愛❤️我諗除左真係對食物、咖啡有熱誠嘅人，真係唔係咁多人可以諗到呢種「生態」循環🔄如果想影相想參觀呢個farm，記得問左老闆先，唔好破壞咁靚嘅地方呀💪🏻
.
.
☕️Drip by Social Club (灣仔)
📍灣仔駱克道93號利臨大廈4樓（地鐵站a2出口過去唔洗5分鐘，路痴如我都搵到😂）
.
.
.
#discoverhk #discoverhongkong #portrait #portraitphotography #hkinfluencer #hkiger #おしゃれさんと繋がりたい #写真好きな人と繋がりたい #ありがとう #写真 #ootd #photooftheday #hkig #healthylifestyle #hongkong #hkinstagram #hkfoodie #hkfood #香港美食 #香港 @ Drip by Social Club
Search